ولیمے کا جوڑا بھی لاکھوں میں ۔۔ بارات کے بعد اب منال خان کے ولیمے کے جوڑے کی قیمت بھی سامنے آگئی

منال خان کے مایوں اور بارات کی بہت ساری باتیں ہوگئیں اب تھوڑی بہت بات اداکارہ کے ولیمے اور اپنے ولیمے کی تقریب پر زیب تن کرنے والے خوبصورت جوڑے کی بھی جس کی حیران کردینے والی قیمت سامنے آچکی ہے۔

منال خان اور احسن محسن اکرام کی شادی کی تقریبات کا اب اختتام ہوگیا ہے جو کہ بہت ہی دھوم دھام سے کی گئی۔

منال خان کی شادی کی تقریبات کی مختلف ویڈیوز اور تصاویر نے سوشل میڈیا پر سما باندھ دیا تھا اور صارفین بھی ان کی شادی کی فوٹوز اور ویڈیوز دیکھ کر کافی پرجوش دکھائی دیے۔

جوڑے کا ولیمہ 12 ستمبر کی رات کو منعقد ہوا جس میں منال خان سلور کڑھائی سے مزین لائٹ بیج کلر کے دیدہ زیب میں ملبوس نظر آئیں۔

جیسا کہ منال خان کی شادی کا سرخ رنگ کا عروسی لباس معروف فیشن ڈیزئنر انس ابرار کی جانب سے تیار کیا گیا تھا جس کی قیمت 6 لاکھ 45 ہزار روپے تھی۔منال خان کے لال رنگ کا لہنگا ان کے چاہنے والوں کو بے حد پسند آیا تھا۔ اور اب ان کے ولیمے کا جوڑا بھی مداحوں کی توجہ کا مرکز بن رہا ہے۔

متعدد سوشل میڈیا صارفین کا یہ کہنا ہے کہ منال کے ولیمے کا جوڑا بارات کے عروسی جوڑے سے بہت زیادہ اچھا تھا۔

منال خان کے ولیمے کا جوڑا عرم خان کورٹر نامی مشہور لباس کے برانڈ کی جانب سے تیار کیا گیا تھا جس کی قیمت چودہ لاکھ 35 ہزار معلوم ہوئی ہے۔

معروف کلوتھنگ برانڈ عرم خان دیگر اداکاراؤں اور ماڈلز کے بھی کپڑے ڈیزائن کرتا ہے۔

اپنا تبصرہ بھیجیں